واذا الموؤدة سؤلت ...بأي ذنب قتلت؟

تنتابني حالة من الغضب الشديد مما يحدث حوالي
ومما اطالعه علي شاشات التلفاز والجرائد اليومية
ومش قادر اتخيل الحاله اللي احنا وصلنا ليها
فعلا عاجز عن تخيلها
وصلنا لحاله من العجز والهوان لا يمكن وصفها
وصلنا لحاله من السذاجه تسمح لا مخرج افلام هابطة بالضحك علي دقونا

فعلا مش قادر اوصف شعوري وانا بشوف ضورة الشهيد احمد
و سيل الاسئلة رافض يقف في دماغي

مانشيت الاهرام والخبر:

 http://www.ahram.org.eg/index.aspx?issueid=38

الصورة التي نشرتها الاهرام في عدد الخميس 7 يناير 2010

 "فى واحدة من المرات القليلة التى تجد بها اسم رئيس التحرير متصدراً لخبر صحفى، ينقل محمد على إبراهيم وقائع تفصيلية لـ"استشهاد جندى مصرى" برصاص "حمساوى متعمد" أثناء مشاركته فى حماية الحدود المصرية من "تجاوزات" أفراد قافلة "شريان الحياة 3" التى تهدف لنقل المساعدات إلى من يعيشون بغزة، غير أن الكاتب لم يوضح لنا كيف حصل على تلك المعلومات ومن أى مصادر استقاها."

 وده كلام في احد المنتديات عن مانشيت الحمهورية اللي ماعرفتش اجيبه

 ◄ طهران وحماس والإخوان.. قتلوا شعبان.. الشهيد الثانى لمصر على يد الفلسطينيين.. ولن نسكت!

  ودي بردة من الجمهورية في نفس العدد

ذنبه ايه الغلبان ده؟؟؟
ياتري قناص من حماس فعلا اللي قتله؟؟
ليه الفلسطينيين يعملوا كده؟؟
وغيرها من الاسئلة التي جالت بخاطري في اللحظات الاولي من صباح الخميس عند مطالعتي لمانشتات الصحف
في نهاية اليوم جلشت اتأمل صورة الشهيد و صورة جثته التي تنزل محموله علي اكتاف رفقاء السلاح
ولكن تأملاتي الان بشكل مختلف....!

هوا من امتي المواقع العسكرية بتتصور؟؟؟

هوا الشهيد الغلبان ده فضلت جثته منتظره حتي وصول المصور ليلتقط تلك الصوره؟؟؟

هوا فين الراجل بتاع الامن القومي ... اللي بيراجع الجرايد؟؟؟ واللي المفروض انه بيشيل اي صورة قد تخل بيييه من اي جرنال " وممكن يشيل الجرنال نفس"

هم لحقو يوصلو للجاني بالسرعه دي؟؟؟
وايه كمان
حققوا معاه
وطلع واد قناص محترف ... ومن حماس كمان؟؟؟؟
وبالبراعة والسرعة دي ادروا يخلوه يعترف ويقر وكمان تتنشر في الجرايد؟؟

هوا لو احنا متاكدين من ان اسرائيل هيا اللي قتلته كنا هانعمل ايه؟؟

كلها اسئلة مشروعه جالت بخاطري في اخر اليوم ولكن لم اجد اجابات كافيه
او لم اجد ما يؤكد شكوكي الا مع صبيحة اليوم التالي
حين فوجئت بالجنازة المهيبة للشهيد
وقد تصدرت صفحات كافة الصحف
و كيف ان امه فقدت النطق
وكيف ان عرسه كان بعد 50 يوما
ولم تتأكد شكوكي اكثر الا بعد سماع ردود الافعال التي امتلأت بها صفحات النت والجرائد والمجلات
ردود الافعال التي تطالب بحرق الفلسطينييين
وقتلهم
ونسف حماس
واحراق غزة علي اللي فيها
وهدم بيوتها علي دماغ ابو اهلها كمان

كل هذه التعليقات  زادت شكوكي يقينا
ان الشهيد جزءا من لعبه او مسرحيه كبيرة
مؤلفها ومخرجها ذلك المسئول الكبيير
المسئول عن المدعو الأمن القومي

لا اعلم مدي صحة او دقة او حتي كذب تلك الفكرة التي تجول بخاطري
ولا اعرف هل انا تحت تأثير ما يسمي بنظرية المؤامرة
ولكن ما اعرفه ان هناك شئ غير طبيعي خلف هذا الحدث

حتي وان لم يكن...
فما هو ذلك الشئ المميز في الشهيد أحمد شعبان"ربنا كرمه بالشهاده واتمني اني الحق بيه" بس ايه اللي يميز الشهي احمد عن غيره من الشهداء زي الضابط  محمد القرشى او المجند  محمد فكرى أحمد او .... او ....
او اي اسم من الاسماء اللي انتشرت في اماكن كتير ة منها اللي في الرابط ده:
http://www.youm7.com/News.asp?NewsID=127996
ليه كل الشباب دول دمهم راح "بلوشي"
وماطلعش حتي كلب يعوي عليهم
ليه ما ثارش كل رجالات واشباه رجالات الحكومه علشانهم
ليه ماسمعناش التهديد والوعيد بالرد العنيف ضد من يحاول او تسول له نفسه اختراق سيادة مصر
او ضرب ولاد مصر
يمكن دول ماكانوش ولادها؟؟؟؟
ولا الفكرة ان القاتل من ولاد العم... يعني زيتنا في دقيقنا والدم ده دمي
انما لما يكون القاتل واحد ابن كلب من حماس اللي وراها ايران واللي هيا فرع للاخوان
يبقي مصر هيا امي
فيلم مؤثر جدا ضعيف الحرفية ساذج السيناريو
تماما كفيلم ماتش الجزائر
.... في زمن باتت فيه صناعة الافلام تعتمد علي العلم
انما نقول ايه؟؟
صناع السينما عندنا من ايام اسيتينات
الله يرحمك يا احمد
استريحت يابني والله

روابط:



فيديو للاحداث وتصريح مصري جهووووور

http://www.youm7.com/News.asp?NewsID=127996
خبر من اليوم السبع بوفاة الضابط المصري وغيره من شهدئنا بايدي اسرائيلية

http://www.paltimes.net/arabic/articles.php?article_id=4143
رأي الجانب الاخر الجانب العدو "العدو الفلسطيني طبعا"

http://www.moheet.com/show_news.aspx?nid=334834&pg=1
وده كمان من عند الاعداء