عم حمدي

عم حمدي
عم حمدي راجل عنده عربية ملاكي ... بيشغلها تاكسي يوصل بيه
بس عم حمدي سائق مختلف ... مختلف تماما
صديقي دكتور جمال... استاذ الاقتصاد ... يعيش في الاسكندرية ... جدوله الاسبوعي فيه محاضرة او اتنين في القاهرة ... بيركب القطار وياخد تاكسي من محطة مصر ... لمقر الاكاديمية
اتعرف علي عم حمدي من 4 سنين ... ومن ساعتها فعلا مابيعرفش يتعامل مع اي سائق تاني
اشمعني...؟
الطبيعي ان جمال يوصل القاهرة يلاقي عم حمدي مستنيه يوصله للاكاديميه ... وبعد المحاضرة يرجعه تاني في معاد القطار... وكده يبقي يشكر عم حمدي.
انما قي الواقع ...
جمال بيوصل القاهرة يلاقي عم حمدي مستنيه ... وجايب ليه ساندوتش...! اه والله ... اصله عرف بالوقت ان جمال بيكون جاي من محاضرة ومابيلحقش يتغدي
لا ... مش بس كده ... جمال بيلاقي عم حمدي حجز ليه تذكرة الرجوع في اقرب معاد بعد المحاضرة...!
عم حمدي مش مجرد سواق تاكسي
عم حمدي ... تجربة ... بيعشها صديقي ... تجربة عنوانها ... ازاي تنجح في صناعة زبون ... مايقدرش يستغني عنك...؟!
علي فكرة ... عم حمدي ده ممكن يبقي نموذج لمهندس... لطبيب... لمحاسب ... ل...ل.. ناجح ... مش بس بيعمل المطلوب منه وخلاص
لأ ... بيعمل دايما ما يفوق توقعات العميل او الزبون بتاعه
It is GEM
Go to the Extra Mile
خليك دايما ازيد ... بميل ... مش بس خطوة

انت شطانك بيحبك ...!

بص يابني ...

الأهم من أن الست تكون جميلة أو موزة زي ما بتقولوا ... انها تكون عايزاك انت وبس...ان انت تكون رغبتها الوحيدة...!

"من حوار مع حرمجي قدييم"

ربنا بيحبك!

واضح ان ربنا بيحبك أوي.
صمت لبرهه ... بيرد عليها ...
خاااالص... اللي أنا متأكد منه ...انه ما بيحبنيش خالص
ليكمل في سره...
والا ما كانش حطك في طريقي...!

الحب لا ينسي ...!

كثيرا ما تحدث لأدباء والشعراء عن حب يمحو أثر ما سبقه

أو حبيب يطمس ذكريات حبيب قبله

أو عن قلب امتلئ بحب جديد ... بعدما فرغ من الاخر

لكنها ليست الحقيقة ... حتي وان بدت كذلك ... أو حتي ان ابدينا ذلك ...!

فكل حب له في القلب علامة , وكل حبيب له من الذكريات نصيب.

خواطر ... في السقعه ...!

خواطر ... في السقعه ...!

هوا انا لو قلت دلوقتي اني مش بردان ...أبقي مجنون...؟
طيب لو قلتلكم اني استمتعت جدا اني اتمشيت في الشارع والدنيا بتمطر ... ؟
........................................................................................................
السقعه مش م الجو ... السقعه من جوه ...!

..................................................................................................................................................................

بردان ... يبقي راجع نفسك ...
اخر مرة قعدت مع حد بتحبة امتي...؟
مش شرط تبقي زوجتك او حبيبتك... انما مثلا مثلا ....
ضحكة جمعت اسرتك علي طقم شاي ...ومسلسل أو فيلم او حتي عشوة فينو وشيبسي او جبنة بطماطم
لمة صحابك...
فاكر كان ممكن تقعد معاهم في انهي جو ...؟
فاكر الدفا اللي كان بيملي المكان...؟
بلاش... فاكر لمة شباب العيلة وانتوا لسه صغيرين...؟
كنا بنعرق من الضحك واللعب والفرح... وكانوا الكبار سقعانين دايما...وخايفين علينا من البرد...
لو سقعان ... دور علي الدفا وسط الأحبا ... لو بردان ...افتح صتدوق ذكرياتك ... وصل من تحب ...تلقي الدفا.

................................................................................................................................................................

علي فكرة ...ألبوم الصور ... وسيلة تدفئة قوية جدا