انا خايف بجد

انا بخاف زي البني ادمين
ده عادي
بس كتير بقاوم الاحساس ده وبنساه وبقضي عليه في اغلب الاوقات
اتعلمت كده من صغري
"الراجل ما يخافش" وعلشان كده مابيطولش الاحساس ده معايا خالص
الا المره دي
الاحساس ده ملازمني من اكتر من اسبوعين
مش ده بس الغريب
الغريب اللي مخوفني .... خايف اموت
لأ ومش اي موته كمان
خايف اموت تحديدا بجلطه في القلب....!
المشكلة ان الخوف ده بيزيد علي غير العاده مش بيقل
ولما حاولت افكر ايه السبب في الخوف ده لاقيتها اسباب كتيرة اوي
اولها: كمية الحالات اللي شفتها خلال الاسبوعين اللي فاتوا في الطوارئ
منهم الي نجي وعاش
واغلبهم اللي كان جايلي ميت اصلا
المشكلة ان في منهم مش كبير في السن  اوي يعني
تاني الاسباب دي
ان صديق عمري حاتله جالطه في القلب وربنا نجاه منها باعجوبه
علي فكرة صديقي ده من نفس عمري "في التلاتين يعني"
المشكلة اني بحكي  عنه لزميل ليا في العمل فحكالي عن اخو زيل لنا لسه متوفي من فتره بنفس القصة..,!
المشكلة انه لسه في التلاتينات برده
طبعا ولأني مريض بالضغط وطبعا لأني مهمل في اخذ اي ادوية فضل الموضوع يكبر في دماغي اكتر
ويعدي يوم والتاني
 افتح النت كالعادة يطالعني الخبر مع تلك الاخبار التي تظهر عند فتح بعض البرامج

Brittany Murphy Dead at 32

Actress Brittany Murphy has died.She was 32
Early this morning, Murphy went into full cardiac arrest and could not be revived. The Los Angeles Fire Department reports they received a call from a.....

 "وفاة برتني مرفي بازمة قلبية مفاجأه عن عمر يناهز 32 عاما وتفاصيل تانيه كتير"
 
وطبعا لانا عارف مين هيا برتني ولا حتي اثار فضولي ان عارف عن مسلسلها المشهور اللي بيحكو عنه
كل اللي انا اللي شفته في الخبر
وفاها بأزمه قلبية عن عمر 32 سنه وبس..!
ويعدي يوم والتاني
والاقي طالبة قاعد منهاره
خير يابنتي....؟
صديقة عمري ماتت فجأه...
صديقة عمرها اللي في العشرين
ماتت فجأه بدون سابق انذار او حتي سابق مرض
قفز الي ذهني ساعتها كل حالات الوفاه التي تحدث فجأه والتي كثرت هذه الايام
خاصة بين الشباب
وطبعا ازداد خوفي اكثر واكثر

مع كل محاولتي لتبديد هذا الخوف اجده يزداد اكثر فاكثر

يمكن يكون علشان انا قلبي واجعني بجد؟؟؟