سؤال ملح علي ذهن الكثر دأب الاعلان علي اجابته بشكل دقيق
بتصوير السيد الرئيس ونشاطه اليومي الذي يبدا من السادسه صباحا لمتابعة تفاصيل الحياة اليومية للمواطن البسيط دون كلل او ملل
وطبعا كلنا بنصدق الاعلام بتاعنا هوا هاكذب علينا لييييه؟
مش هوا بتاعنا برده؟ واحنا بتوعهه؟؟ يبقي اكيييييد اكيييد مش بيكدب
المهم...
ما اطولش عليكم
ذات مرة وانا قاعد علي البتاع اللي اسمه الfacebook ده
لاقيت مقطع فيديو للسيد الرئيس وهو يتحدث اما تجمع مؤتمر" الحزن" الوطني
والله انا كمواطن صالح لا اتابع مثل هذه الاشياء
ولا اريد اصلا "لظروفي الصحية واصابتي بمرض الضغط منذ اعوام"
المهم الله يسامحه واحد صاحبي بعاتلي وصلة عليها الفيديو ده
الريس بينكت فيها
وبيقول لواحد سأله عنحاجه ماسمعتهاش "ياراجل كبر مخك هوا انت فاكرني هاقعد افنط كل حاجه ...!"
انا مش هاقولك اني اتصدمت علشان اكتشفت ان الاعلام بيكدب
لا لاسمح الله
انا اتصدمت بجد من البجاحه والاستخفاف بعقول 80 مليون
اتصدمت من فكرة القدوة
وان ده رأس الهرم السياسي والوظيفي والقيادي في مصر
هل ده منهاج العمل اللي بيتحط للقيادات في مصر "كبر مخك...!"
ولا هوا ده اللي مؤسسسة الرئاسة بتزرعه في الشعب؟
الاعجب من كل ده... زاي السقطة دي تعدي علي واضع خطاب الرئيس
اما ان الخطاب لا يراجع بدقه او ان من يكتبه غير مؤهل اصلا لما يفعل "احساسي ان كاتب المقال كاتبه علي قهوة الصحبجية اللي في العباسية ويبدو ان الكلمه تسللت للخطاب وهوا يتابع بولة استيميشن او دوور طاولة"
اما اعجب العجب في هذه السقطة هو التسقيف الحاد الذي ارتجت به القاعة الضخمة المزدحمة بحشووود قيادات "الحزن" الوطني التي هي اصلا قيادت الدولة
انا لا اجد مبررا لهذ التصفيق "من صفاقه وليس صقف" الا ان الراجل المسؤل عن التصفيق صفق فصفق الباقي بالتبعية دون فهم معني الجملة اصلا
والا تبقي كارثة كبييييرة اوي
اسيبكم للشو....
قبل يومين (2)
.jpg)
ليست هناك تعليقات:
إرسال تعليق