شاهد ما شافش حاجه
الزمان: صباح اليوم التالي لهروب الرئيس التونسي
المكان: البلد المقهوره اللي شبه تونس
الحدث: شهادات الشهود علي مادار في قصر الرئاسه منذ اعلان خبر الهروب
الشاهد الأول: ياباشا الزعيم بتاعنا أصلا في غيبوبة وماعرفش بالخبر ... يا باشا صدقني اللي بيطلع في التلفزيون ده واحد شبهه ... داحتي بيقولوا انه مات من زمان أصلا وحكاية الغيبوبة دي أوشاعة...!
الشاهد الثاني: والله العظيم انتوا ظالمين الريس بتاعنا معاكوا ... ماقلتلكم ألف مرة قبل كده ... الناس اللي حواليه بيخبوا عنه الحقايق ...يعني من الاخر ممكن يكون ماعرفش لسه أصلا.
هيا المشكلة في الجماعة اللي حواليه .. منهم لله بوظوا البلد...!
الشاهد الثالث: أنا النهاردة كنت معدي هناك جنب القاعدة الجوية اياها ... وشفت زحمة و"قلق" بيقولا أن في كام طارة هليكوبتر محططوطين علي أهبة الاستعداد...!
الشاهدالرابع: مصادري الخاصة الموثوق فيها بتؤكد ان وزارة الخارجية اعلنت حالة الطوارئ ومنعت اجازات المظفين واستدعت كمان اللي في اجازات و بتجري اتصالات مكثفة مع سفارتنا بالخارج ووزارات الخارجية بمختلف العواصم العالمية
سيادة الزعيم ممكن يتضايق لو لف كتير بالطيارة لازم يبقي في اعداد كويس للزيارة .. اسف .. للهروب المفاجئ.
الشاهد الخامس: بص بأه ... انا هاجيبلك من الاخر.... الواد ابن اختي مجند في الحرس الرئاسي اللي مع الهانم ...! المنيل بيقول ان الريس من ليلة امبارح ماجالوش نوم وعامل اجتماعات لدراسة تداعيات الموقف بس بيقولك ايه كمان ان الهانم جاتلها كام مكالمة ... هوا مش عارف من مين ... بس هوا سمعها بتقول" مانتي اللي غلطانة... حد قالك تمكسهم مناصب سياسية ... بلا نيلة علي السياسة واللي بيشتغلوها ... مش كان كفاية البزنس....... لأ ... وحياتك يا حبيبتي ماينفع ... كان علي عيني والله ... انتوا تأنسوا وتشرفوا في اي وقت الا اليومين دول... أبو العيال يزعل وبعدين دا قالب عليا وبيعايرني بيكي من ليلة امبارح ... وماسكهالي زلة ... شوفتي صاحبتك واللي عملتوا في جوزها ... وانا بيني وبينك مش قادرة اتكلم دلوقتي ... حاضر لما يهدي ويفضي هاقوله ... خللي بالك من نفسك ومن جوزك في جده ...والبسي طرحه لأحسن هناك عينيهم زايغه...... وضحكة حريمي طوييييله...!
الشاهد اللي بعده: الراجل مدير مكتب الزعيم دخل عليه العصريه غرفة نومه "مانت عارف ...بيحب يريح العصرية"
ياسيادة الزعيم ... يا سيادة الزعيم ... بن علي هرب يا فندم والمظاهرات والعه في تونس ... والناس في بلدنا بتأيد وتبارك ثوار تونس.
فكان رد الزعيم بجملته الماثورة:
بقي قالقني من عز النوم علشان الخبر ده "يا راجل كبر مخك".
الشاهد الاخير "المتبقي بعد اعتقال السابقين": بص بأه يا عم الحاج اللي حصل بالظبط ان الست مراته دخلت عليه الصبحية جريوهوا بيشرب الشاي بعد ماخلص الرياضه "حكم هوا رياضي من صغره"
"الحق يا حاج ... الحق يا حاج ... المظاهرات قلبت تونس و صاحبك بن علي خد المدام وهرب علي جده"
الزعيم هادي ... اه ... طول عمره هادي وحكيم
رد عليها بهدوء:
"اطمني يا حاجه ....مافيش مظاهرات بتحصل في شرم الشيخ
وبعدين جده من هنا فركة كعب...!"
بعد اعتقال الشاهد الاخير ...
أنا بقي شخصيا ماشوفتش ولا أعرف اي حاجه...!
الزمان: صباح اليوم التالي لهروب الرئيس التونسي
المكان: البلد المقهوره اللي شبه تونس
الحدث: شهادات الشهود علي مادار في قصر الرئاسه منذ اعلان خبر الهروب
الشاهد الأول: ياباشا الزعيم بتاعنا أصلا في غيبوبة وماعرفش بالخبر ... يا باشا صدقني اللي بيطلع في التلفزيون ده واحد شبهه ... داحتي بيقولوا انه مات من زمان أصلا وحكاية الغيبوبة دي أوشاعة...!
الشاهد الثاني: والله العظيم انتوا ظالمين الريس بتاعنا معاكوا ... ماقلتلكم ألف مرة قبل كده ... الناس اللي حواليه بيخبوا عنه الحقايق ...يعني من الاخر ممكن يكون ماعرفش لسه أصلا.
هيا المشكلة في الجماعة اللي حواليه .. منهم لله بوظوا البلد...!
الشاهد الثالث: أنا النهاردة كنت معدي هناك جنب القاعدة الجوية اياها ... وشفت زحمة و"قلق" بيقولا أن في كام طارة هليكوبتر محططوطين علي أهبة الاستعداد...!
الشاهدالرابع: مصادري الخاصة الموثوق فيها بتؤكد ان وزارة الخارجية اعلنت حالة الطوارئ ومنعت اجازات المظفين واستدعت كمان اللي في اجازات و بتجري اتصالات مكثفة مع سفارتنا بالخارج ووزارات الخارجية بمختلف العواصم العالمية
سيادة الزعيم ممكن يتضايق لو لف كتير بالطيارة لازم يبقي في اعداد كويس للزيارة .. اسف .. للهروب المفاجئ.
الشاهد الخامس: بص بأه ... انا هاجيبلك من الاخر.... الواد ابن اختي مجند في الحرس الرئاسي اللي مع الهانم ...! المنيل بيقول ان الريس من ليلة امبارح ماجالوش نوم وعامل اجتماعات لدراسة تداعيات الموقف بس بيقولك ايه كمان ان الهانم جاتلها كام مكالمة ... هوا مش عارف من مين ... بس هوا سمعها بتقول" مانتي اللي غلطانة... حد قالك تمكسهم مناصب سياسية ... بلا نيلة علي السياسة واللي بيشتغلوها ... مش كان كفاية البزنس....... لأ ... وحياتك يا حبيبتي ماينفع ... كان علي عيني والله ... انتوا تأنسوا وتشرفوا في اي وقت الا اليومين دول... أبو العيال يزعل وبعدين دا قالب عليا وبيعايرني بيكي من ليلة امبارح ... وماسكهالي زلة ... شوفتي صاحبتك واللي عملتوا في جوزها ... وانا بيني وبينك مش قادرة اتكلم دلوقتي ... حاضر لما يهدي ويفضي هاقوله ... خللي بالك من نفسك ومن جوزك في جده ...والبسي طرحه لأحسن هناك عينيهم زايغه...... وضحكة حريمي طوييييله...!
الشاهد اللي بعده: الراجل مدير مكتب الزعيم دخل عليه العصريه غرفة نومه "مانت عارف ...بيحب يريح العصرية"
ياسيادة الزعيم ... يا سيادة الزعيم ... بن علي هرب يا فندم والمظاهرات والعه في تونس ... والناس في بلدنا بتأيد وتبارك ثوار تونس.
فكان رد الزعيم بجملته الماثورة:
بقي قالقني من عز النوم علشان الخبر ده "يا راجل كبر مخك".
الشاهد الاخير "المتبقي بعد اعتقال السابقين": بص بأه يا عم الحاج اللي حصل بالظبط ان الست مراته دخلت عليه الصبحية جريوهوا بيشرب الشاي بعد ماخلص الرياضه "حكم هوا رياضي من صغره"
"الحق يا حاج ... الحق يا حاج ... المظاهرات قلبت تونس و صاحبك بن علي خد المدام وهرب علي جده"
الزعيم هادي ... اه ... طول عمره هادي وحكيم
رد عليها بهدوء:
"اطمني يا حاجه ....مافيش مظاهرات بتحصل في شرم الشيخ
وبعدين جده من هنا فركة كعب...!"
بعد اعتقال الشاهد الاخير ...
أنا بقي شخصيا ماشوفتش ولا أعرف اي حاجه...!
أحمد رمزي
.jpg)
هههههههههههههههههههههههه
ردحذف"وبعدين جده من هنا فركة كعب...!" حلو أوي التعبير ده على فكرة يلا الواحد بقى يبص لمستقبله في جده بقى
ليه ان شاء الله ؟؟
ردحذفسيادتك رئيس؟؟